Soms loop twee lewens lankal langs mekaar sonder om dit te weet. Ons was albei in Hoërskool Menlopark — dieselfde gange, dieselfde skool, maar ons paaie het nooit regtig gekruis nie. Twee stories wat parallel geloop het… tot die aand toe alles onverwags verander.

Oktober 2022, by The Club se nagmark in Pretoria, was ons albei daar — op presies die regte tyd, al het dit nie eers soos ’n “belangrike” aand gevoel nie. Mignon het saam met haar gesin gestap, Philip sou net vinnig iets gaan eet voor hy sy vriende ontmoet.

En toe, heel toevallig, gesels ons mekaar raak.

Onverwags lank, onverwags maklik. Daardie aand het ons nog verder uitgevind hoe klein die wêreld is, hoe naby ons stories al aan mekaar was sonder dat ons dit besef het, Philip bly al vir ‘n jaar saam met Mignon se nefie.

Na die mark bly ons gedagtes by mekaar en drie dae later kry Mignon die boodskap: ’n uitnodiging vir koffie.